Internas (by Bruce)
Dä Mäse hät eus voll im Griff
En super Typ, dä müesst mer kloone
Sis Hirni: jung, präsent und frisch
Hätt's uf de Bank halt chöne schone !
Vom Jürg chasch jedi Uuskunft haa
Hät s iPhone ständig i de Hand
Doch wänn au er en Wunsch törf haa
Sind's gfüllti Täller bis an Rand!
Für law and order sorgt de Gion
Er luegt au beschtens für de Wii
Befillt am Chef am Telefon
Dass siin Stuel immer frei muess sii!
Das sind no schöni Ziite gsii
E Metzgete von Willy's Hand
Er findt, da isch doch nüt debii
Dä Armstrong frisst mir us de Hand!
Las Vegas, Hollywood, Tahoe
De Guido chunnt gwaltig druus
Jetzt laht er's locker anechoo
D'Frau chrampfed und bringt s'Geld is Huus
De René hät en eigni Sprach
Fäkalie hät er bsunders gern
Diä Witz vo zunderscht sind sis Fach
Und s'Glächter ghört mer bis uf Bern!
De Max weiss vill und teilt's au mit
Sis Wüsse hät er vo Sanggalle
Doch was ihm s'gröschte Glücksgfühl git
Er isch ä Riese-Chatze-Falle!
Es Fröidli mues de Herbi haa
Bim Wiisswii mag er gar nöd chläme
Doch Vorsicht! Wenn di laasch la gaa
Verwächslisch plötzlich d'Fraue-Näme!
Der Gentleman geniesst und schweigt
De Käke isch schtumm wien en Fisch
Er tänkt, bevor er öppis seit
S'hät scho ggnueg Schnurri a dem Tisch!
Er wächslet s'Hämp am Tag drüü mal
Em Paul sis business isch de Grund
Wänn er nöd gschteilt wär wärs fatal
No besser plegt isch nur sin Hund!
Am Catwalk in Paris dihei
De Charles hätt jedes Model kännt
Wer fasst's, dass er jetzt ganz elei
Am wiisse Golfball nacherännt?!
De Franco isch en Maa vo Wält
Verchehrt i höchschte Spiller Chreise
Casinos bringed ihm vill Gält
Bruucht s'Caverject uf sine Reise!
Der Raymond isch en schtille Mänsch
Er luegt, dass es sis Gheimnis bliibt
Dass du nöd alli Detail kännsch
Nöd weisch, was er z' Brasilie triibt!
De Schampi ggseht fantastisch us
Mit Poschettli und Side-Schal
Au farblich chunnt er eifach druus
Vor allem Schwarz isch sini Wahl!
EPILOG (by René)
Loch um Loch, Zahn um Zahn
Ob im Golf oder im Muul
Böimig zwäg es isch de Wahn
Öise Nöggi isch eifach mega cool!